Join Organisations Webinar: Recognising IELTS, Recognising Excellence
IELTS تعلیمی کے تحریری ٹیسٹ دو مشقوں پر مشتمل ہے، تحریری مشق 1 اورتحریری مشق 2۔ تعلیمی کے تحریری ٹیسٹ میں سوالات عمومی تربیت کے تحریری ٹیسٹ کے سوالات سے مختلف ہوتے ہیں۔
تعلیمی تحریری مشق 1 میں، آپ کو معلومات کی بصری نمائندگی دکھائی جائے گی؛ ایک گراف، جدول، چارٹ یا خاکہ، اور آپ سے کہا جائے گا کہ آپ جو معلومات دیکھ رہے ہیں ان کا خلاصہ، بیان کریں یا وضاحت کریں۔ اس بات کو یقینی بنائیں کہ آپ اپنے جواب کو تین اہم حصوں مرتب کریں، تعارف، ایک جائزہ اور خاکہ کی اشکال کی مدد سے اہم خصوصیات۔
تعلیمی تحریری مشق 2 میں، آپ کو ایک نقطہ نظر، دلیل، یا مسئلہ پیش کیا جائے گا۔ ماحولیات سے لے کر امیگریشن، ثقافت، اور یہاں تک کہ ٹیکنالوجی تک کے موضوعات ہوسکتے ہیں۔ آپ سے کسی نقطہ نظر یا دلیل سے اتفاق یا عدم اتفاق کرنے، دو مخالف نظریات پر تبادلہ خیال کرنے، کسی عنوان کے فوائد یا نقصانات کے بارے میں لکھنے، یا دیئے گئے مسئلے کی وضاحت کرنے، یا کسی مسئلے کی وجہ بیان کرنے اور حل پیش کرنے کیلئے کہا جاسکتا ہے۔ تعلیمی تحریری مشق 2 کیلئے آپ کے جواب کا ایک مضمون کے فارمیٹ میں ہونا ضروری ہے۔