តើនរណាទទួលស្គាល់ IELTS?

ស្ថាប័នជាង 11,000 កន្លែង ទទួលស្គាល់ IELTS នៅក្នុងប្រទេសជាង 145 ប្រទេស ក្នុងតួនាទីជាសូចនាករពិតនៃជំនាញភាសាអង់គ្លេសរបស់អ្នក។ អង្គភាពទាំងនេះមានវិសាលភាពទូលំទូលាយ ចាប់ពីសាកលវិទ្យាល័យរហូតដល់ស្ថាប័នបណ្តុះបណ្តាល ក្រសួង មន្ទីរក្នុងរដ្ឋាភិបាល និងទីភ្នាក់ងារអន្តោប្រវេសន៍ ស្ថាប័នវិជ្ជាជីវៈ និងឧស្សាហកម្ម។ អង្គភាពនីមួយៗកំណត់លំដាប់ពិន្ទុជាអប្បបរមា ដូច្នេះ ត្រូវប្រាកដថាត្រូវស្វែងរកតម្រូវការ​ IELTS​ សម្រាប់ចូល ដែលចាំបាច់សម្រាប់ពាក្យសុំរបស់អ្នក។ អ្នកអាចស្វែងរកស្ថាប័នដែលទទួលស្គាល់ IELTS របស់អ្នកនៅលើទំព័រនេះបាន។

អ្នកអាចប្រើពិន្ទុ IELTS របស់អ្នកដើម្បីដាក់ពាក្យទៅស្ថាប័នអប់រំនៅជុំវិញពិភពលោកបាន។ ក្រុមហ៊ុនពហុជាតិសាសន៍ក៏ទទួលស្គាល់ IELTS ជាភស្តុតាងបញ្ជាក់ពីជំនាញភាសាអង់គ្លេសរបស់អ្នក ហើយអាជ្ញាធរអន្តោប្រវេសន៍នៅក្នុងប្រទេសអូស្ត្រាលី កាណាដា ចក្រភពអង់គ្លេស និងនៅសហរដ្ឋអាមេរិក។ ការងារមួយចំនួននៅក្នុងប្រទេសដែលនិយាយភាសាអង់គ្លេសតម្រូវឲ្យមាន IELTS សម្រាប់ការចុះឈ្មោះជំនាញ ដូចជា ការមើលថែទាំ និងការបង្រៀន។

លំដាប់ពិន្ទុអប្បបរមា ដែលត្រូវការដើម្បីសិក្សា ឬធ្វើការនៅអង្គភាពជាក់លាក់ ឬធ្វើចំណាកស្រុកទៅប្រទេសណាមួយនោះអាចខុសគ្នា។ ត្រូវប្រាកដថាពិនិត្យឲ្យដឹងពីលំដាប់ពិន្ទុ IELTS ដែលអ្នកត្រូវការមុនធ្វើតេស្ត IELTS។