តេស្តការនិយាយ នៃតេស្ត IELTS

ការញញឹមអាចជួយឲ្យអ្នកមានអារម្មណ៍ស្ងប់ដែលអាចជួយឲ្យអ្នកធ្វើបានល្អជាងមុន។ ទោះយ៉ាងណាក៏ដោយ ប្រសិនបើអ្នកញញឹមឬសើចខ្លាំងពេក វាប្រហែលជាមិនសមនឹងប្រធានបទដែលអ្នកកំពុងពិភាក្សានោះទេ។ មន្ត្រីរៀបចំការប្រឡងទាំងអស់ត្រូវបានបណ្តុះបណ្តាល និងតាមដានយ៉ាងយកចិត្តទុកដាក់ដើម្បីឲ្យមានភាពយុត្តិធម៌ចំពោះបេក្ខជនគ្រប់រូប និងវាយតម្លៃកម្រិតភាសាអង់គ្លេសរបស់អ្នក។ អ្នកប្រឡងនឹងមិនផ្តល់ឱ្យអ្នកនូវពិន្ទុតិច ឬច្រើនទេ ប្រសិនបើអ្នកញញឹមនិងសើច។ វាជាការល្អបំផុតក្នុងការព្យាយាម និងសម្រាកឲ្យបានច្រើនតាមដែលអ្នកអាច និងប្រាស្រ័យទាក់ទងតាមបែបធម្មជាតិ។

តេស្តការនិយាយគឺជាការពិភាក្សាជាមួយមន្រ្តីរៀបចំការប្រឡង IELTS ដែលមានគុណវុឌ្ឍដែលវាយតម្លៃសមត្ថភាពរបស់អ្នកក្នុងការនិយាយអំពីប្រធានបទជាច្រើន។ តេស្តការនិយាយមានបីផ្នែក ហើយត្រូវបានកត់ត្រាទុក។ ការពិពណ៌នាអំពីផ្នែកទាំងបីនៃការសម្ភាសមាននៅក្នុងសៀវភៅព័ត៌មានសម្រាប់បេក្ខជន។

ដោយសារ IELTS គឺជាតេស្តអន្តរជាតិ សំលេងផ្សេងគ្នា និងការសង្កត់សំលេងរបស់អ្នកនិយាយជាភាសាកំណើត ត្រូវបានប្រើទាំងក្នុងតេស្តនៃការបណ្តុះបណ្តាលទូទៅ និងតេស្តសម្រាប់ការសិក្សា។

មនុស្សគ្រប់រូបនិយាយដោយការសង្កត់សំឡេងរបស់ខ្លួនឯង ហើយអ្នកមិនត្រូវបានរំពឹងថានឹងផ្លាស់ប្តូរការសង្កត់សំឡេងរបស់អ្នកសម្រាប់តេស្ត IELTS នោះទេ។ ផ្ទុយទៅវិញ ត្រូវផ្តោតលើការនិយាយឲ្យបានច្បាស់ និងបែបធម្មជាតិដើម្បីឲ្យមន្រ្តីរៀបចំការប្រឡងអាចយល់អ្នកបាន។ ការអនុវត្តភាសាអង់គ្លេសរបស់អ្នកជារៀងរាល់ថ្ងៃ និងស្តាប់ការសង្កត់សំឡេងជនជាតិដើមផ្សេងៗគ្នានឹងជួយអ្នកក្នុងការបញ្ចេញសំឡេងដែលពិបាកបានកាន់តែច្បាស់។

អ្នកត្រូវតែយកមកជាមួយនូវលិខិតឆ្លងដែន ឬអត្តសញ្ញាណប័ណ្ណជាតិដដែល ដែលអ្នកធ្លាប់បានប្រើដើម្បីកក់តេស្ត IELTS របស់អ្នក។ អត្តសញ្ញាណបណ្ណរបស់អ្នកនឹងត្រូវបានត្រួតពិនិត្យ មុនពេលអ្នកចូលបន្ទប់សម្ភាសន៍ និងពិនិត្យម្តងទៀតក្នុងពេលសម្ភាសន៍។